दास चरणीचा तुझ्या

धुंद या रात्री अशा, गंध केसांचा तुझ्या
उठते पहाट ऐकुनी नाद पैजणांचा तुझ्या

रुळते बट गालावरी, विस्कटला भांग तुझा
करतो घायाळ मला शर नयनांचा तुझ्या

मृदू सिंहकटी, चाल गजगामिनी तुझी
वाटतो हवाहवासा मज पाश बाहूंचा तुझ्या

उतरो न नशा ही पागल मिठीची तुझ्या
पाजून टाक जाम मत्त ओठांचा तुझ्या

हरलो मी स्वत्व तुझ्यात, झाली 'जीत' तुझी
बनवून टाक मला दास चरणीचा तुझ्या

अभिजित...