स्वातंत्र्य के नाम

पाऊस ओसरला की घोषणांचा महापूर
पुलांवरून पाणी आणि रस्त्यांवर खड्डे
खड्डयांमध्ये पडलिये जनता आम
घ्या एक जाम स्वातंत्र्य के नाम

तिजोरीतला खडखडाट संपलाय कधी ?
अनुशेषाचा प्रश्न सुटलाय कधी ?
'माहितीचा अधिकार' म्हटलं की फ़ुटतोय घाम
एक जाम स्वातंत्र्य के नाम

संसदेत गोंधळ की गोंधळात संसद ?
कामात घोटाळे की घोटाळयात काम ?
विकासाच्या घोडयाला भ्रष्टाचाराचा लगाम
होऊन जाऊद्या एक जाम स्वातंत्र्य के नाम

दोन दोन सेना दोन दोन कॉंग्रेस कशासाठी करता ?
'धर्मनिरपेक्ष' शब्द उरला निव्वळ युती करण्यापुरता
'कॉमन मॅन 'च्या जगण्यात नाही राहीला राम
घ्या एक जाम स्वातंत्र्य के नाम

आपलीच मते आणि आपलेच नेते
कोणाच्या नावाने मारताय बोंब ?
विश्वास नावाच्या शब्दाला नाही उरला दाम
सर्वात मोठ्या लोकशाहीला माझाही सलाम.

अभिजित...