स्वगत!!

त्याला ती आवडते,

तिला ही तो आवडतो.

मग मला ती आवडून

काय फ़ायदा?

आणि

तिला दोघेही आवडतो

याला काय अर्थ आहे?

मी काय बोलतोय

त्याला तरी कुठे काय अर्थ आहे.

आणि

असला तरी काय फ़ायदा?

नसला तरी काय बिघडतं?

बिघडलं तरी माझं काय बिघडतं?

मग

माझं नाही तर कुणाचं बिघडतं?

पण मी का विचार करतोय?

मग मी नाही करणार,

तर तीचा विचार कोण करणार?

तो?

तो आहेच की?

पण तो म्हणजे मी तर न्हवे?

नाही! तो मी न्हवेच!!!

मग?

मग मी कोण आहे?

मला "मी कोण आहे" हेच माहीत नसेल तर काय फ़ायदा?

हे काय सारखा फ़ायदा फ़ायदा करतोयस?

फ़ायदा नसला तरी

काही गोष्टी केल्या जातातच ना?

प्रेम हे असंच नाही का?

मग?

मी कुठे म्हणतोय प्रेम असं नाही.

प्रेमाचा विषय मध्येच कसा निघाला?

मग विषय काय आहे?

आणि

ही बडबड कसली?

.........

याला आपण रिकाम्या मनाची

असंबद्ध पण मुक्त भरारी म्हणू

आणि आवरतं घेऊ!!!!

-अभिजित